*ఉపాధ్యాయుల పట్ల ప్రభుత్వ వివక్షత తప్పు*
_జేఏసీ పూర్వ కో-చైర్మన్ నాగటి నారాయణ_
జిహెచ్ఎంసి ఎన్నికల విధుల్లో ఉపాధ్యాయులను విస్మరించడం ప్రభుత్వానికి తగని పని. వృత్తి రీత్యా నిజాయితీగా వుండే ఉపాధ్యాయులు ఎన్నికల విధుల్లో అయినా, సంక్షేమ పథకాల అమల్లో అయినా నిజాయితీగా పనిచేస్తారనే పేరుంది. తమ దీర్ఘకాలిక సమస్యలు పరిష్కారం కానప్పుడు అసంతృప్తి చెంది నిరసన వ్యక్తం చేయడం, ఆందోళన పోరాటాలు చేయడం కూడా నిజాయితీకి సంబంధించిన విషయాలే. "మా డిమాండ్లు ఒప్పుకోలేదు కాబట్టి ఈ ప్రభుత్వాన్ని ఎన్నికల్లో ఓడిస్తాం" అనే అంతటి తీవ్రమైన రాజకీయ ప్రకటనలు కూడా ఇతరుల్లాగా చేయరు. ఏ ఎన్నికల్లో అయినా ఓటు ఎవరికి వేస్తారనేది వారి వ్యక్తిగత వ్యవహారమే తప్ప వృత్తి పరమైంది కాదు. ముఖ్యమంత్రి సహాయ నిధికి విరాళం ఇవ్వాలని టీఎన్జీవో, టీజీఓ సంఘాలు ఏకపక్షంగా ఇచ్చిన పిలుపును తిరస్కరించడమే ఉపాధ్యాయుల పట్ల ప్రభుత్వం వివక్షతకు పరోక్ష కారణమైతే, అది మరీ తప్పిదం అవుతుంది. ఒకవైపు బిజెపి మతోన్మాదం ముంచుకొస్తున్న సమయంలో రాష్ట్రంలోని అధికార పార్టీ ఉపాధ్యాయులను దూరం చేసుకోవడం మంచిది కాదు.
*నాగటి నారాయణ*, జేఏసీ పూర్వ రాష్ట్ర కో-చైర్మన్
ది. 22-11-2020.
కామెంట్లు లేవు:
కామెంట్ను పోస్ట్ చేయండి