ప్రేమ-పెళ్లి పైన ప్రభుత్వ పెత్తనం?
నాగటి నారాయణ
"మధ్యప్రదేశ్ ధర్మ స్వతంత్ర విధేయక్ 2020" పేరుతో శివరాజ్ సింగ్ చౌహన్ నేతృత్వంలోని బీజేపీ ప్రభుత్వం ఒక బిల్లును తయారు చేసినట్లు, దానిని అసెంబ్లీ శీతాకాల సమావేశాల్లో ప్రతిపాదించనున్నట్లు ఆ రాష్ట్ర హోమ్ శాఖ మంత్రి నరోత్తం మిశ్రా యిటీవల మీడియాకు చెప్పారు. ఆ పార్టీకి అసెంబ్లీలో గల బలంతో బిల్లు ఆమోదం పొందడం, చట్టంగా మారడం లాంఛనమే. ఉత్తర ప్రదేశ్, హర్యానా, హిమాచల్ ప్రదేశ్, అస్సాం మరియు మహారాష్ట్ర ప్రభుత్వాలు కూడా అలాంటి చట్టాలనే చేయడానికి పోటీ పడుతున్నవి. అసెంబ్లీకి పోయే దాకా ఆగలేని ఉత్తర ప్రదేశ్ లోని యోగి ఆదిత్యనాధ్ ప్రభుత్వం ఈ నెల 24న ఒక ఆర్డినెన్సును ఆమోదించింది. బిజెపి ప్రభుత్వా
యూపీ ఆర్డినెన్సులో మరియు ఎంపీ బిల్లులో నిబంధనలు చాలా ఆందోళనకరంగా వున్నవి. ప్రభుత్వానికి తెలియకుండా చేసుకునే ముస్లిం-హిందూ వివాహాలను లవ్ జిహాద్ గానే పరిగణిస్తారు. నాన్ బెయిలబుల్ కేసు పెట్టి పది సంవత్సరాల వరకు కఠిన కారాగార శిక్ష విధిస్తారు. పెళ్లి చేసుకోదలిచిన ముస్లిం-హిందూ జంట రెండు నెలలు ముందుగా సంబంధిత జిల్లా కలెక్టర్/మేజిస్ట్రేట్ కి దరఖాస్తు చేసుకోవాలి. "మత మార్పిడి లేకుండానే పెళ్లి చేసుకుంటాము" అని హామీ యివ్వాలి. సదరు హామీ పత్రం పైన ఇరు మతాల పెద్దలు కూడా సంతకాలు చేయాలి. అలాంటి దరఖాస్తు పత్రాలను కలెక్టరేట్ వారు పబ్లిక్ గా ప్రకటిస్తారు. ఇష్టపడిన వారు పెళ్లి చేసుకునే విషయాన్ని బహిరంగంగా ప్రకటించేలా? అది వ్యక్తుల స్వేచ్చా, స్వాతంత్య్రాలను హరించడం కాదా? అలా బహింగంగా ప్రకటించబడిన జంటలను లవ్ జిహాద్ ను అరికట్టేందుకు సంఘ పరివార్ నియమించిన ప్రైవేట్ సైన్యం నిఘా వేసి వెంటాడుతుంది.
ప్రేమ అనేది సహజమైన విషయం. నచ్చిన వారిని ప్రేమించడం, పెళ్లి చేసుకోవడం మానవ నైజం. సహజమైన, ప్రకృతిపరమైన ఈ నియమాన్ని బీజేపీ సహించదు. ఆ పార్టీ పెద్దలు ప్రచారం చేసే పురాణాల్లో మరియు పునరుద్దరించా
అభివృద్ధి చెందిన దేశాల్లో 'ఇంటర్ ఫెయిత్' (వివిధ మత విశ్వాసుల మధ్య) వివాహాల పట్ల అంతగా ఆంక్షలు లేవు. కొన్ని వున్నా చెప్పుకోదగినంతవి కావు. ప్రపంచీకరణ యుగంలో దేశాల మధ్య, ఖండాల మధ్య అంతరాలు తొలగిపోతూ అన్ని విషయాలు లిబరల్ (సరళీకరణ) అవుతున్న నేపథ్యంలో వివాహాల మధ్య విశ్వాసాల గోడలు నిర్మించడం తగని పని. సార్వత్రిక మానవ హక్కుల డిక్లరేషన్ ఆర్టికిల్ 16 ప్రకారం జాతి, మతం, తెగ పరిమితులతో నిమిత్తం లేకుండా మేజర్ అయిన పురుషులు, స్త్రీలు తమకు నచ్చిన వారిని వివాహం చేసుకోవచ్చు. భారత రాజ్యాంగం ఆర్టికిల్ 21 వ్యక్తిగత జీవితానికి, జీవన భద్రతకు భరోసా యిస్తుంది. మత ఆచరణ, మత ప్రచారం చేసుకునే హక్కును అనుమతించిన ఆర్టికిల్ 25 వివిధ మతస్థుల మధ్య వివాహాలను నిషేధించలేదు. అందువలన లవ్ జిహాద్ పేరుతో కొన్ని రాష్ట్రాల్లో బీజేపీ ప్రభుత్వాలు చేస్తున్న చట్టాలు రాజ్యాంగ స్ఫూర్తికి విరుద్ధమైనవి. రాజ్యాంగం ప్రకారం పరిపాలన చేస్తామని ప్రమాణం చేసి అధికారంలోకి వచ్చి రాజ్యాంగ వ్యతిరేక చర్యలకు పాల్పడడం బీజేపీ రాజకీయ విధానం. ఆ వైఖరినే దేశ భక్తిగా చెప్పుకుంటోంది.
మతాంతర వివాహాలను నిషేధించడం వలన వ్యక్తుల స్వేచ్చా స్వాతంత్య్రాలకు మరియు ఇష్టాయిస్తాలకు విఘాతం కలగడమే కాదు, మత సామరస్యానికి మరియు దేశ అభివృద్ధికి కూడా నష్టమే. ప్రేమించి పెళ్లి చేసుకున్న వారి జీవితాలు ఆనందంగా, ఆరోగ్యంగా వుండే అవకాశం వుంది. వారికి కలిగే సంతానం కూడా జన్యుపరమైన సమస్యలు లేకుండా శారీరకంగా, బౌద్ధికంగా ఎదిగే అవకాశాలు ఎక్కువ. ఇద్దరూ ఇష్టపడి పరస్పరం అర్ధం చేసుకుని పెళ్లి చేసుకున్న వారు ఒకరి మత విశ్వాసాలను ఒకరిపై రుద్దాలనే పట్టుదల పెద్దగా వుండదు. తమ మతంలోకి మారితేనే పెళ్లి చేసుకుంటాననే వారు కూడా తమ పెద్దల వత్తిడి వలన ఆ విధంగా చేస్తుంటారు. కుటుంబ సభ్యులు, మత పెద్దల అదుపు ఆజ్ఞలు లేకపోతే యువతీ వయువకులు మరింత స్వేచ్ఛగా, బాధ్యతాయుతంగా ప్రవర్తించే అవకాశం కలుగుతుంది. పెద్ద మతాల వారే పెద్ద మనసుతో చిన్న మతాల వారిని ఒప్పించే కృషి చేయాలి తప్ప అడ్డుగోడలు నిర్మించడం సరైందికాదు. ఇప్పటికే భారత దేశంలో మైనార్టీ మతాలకు రక్షణ లేదనే అపవాదు వున్నది. ఇలాంటి చట్టాలు చేయడం ద్వారా అది మరింత బలపడే పరిస్థితి ఉత్పన్నమవుతుంది. ఆ విషయం కొన్ని దేశాల ద్వైపాక్షిక సంబంధాలను ప్రభావితం చేయవచ్చు. అంతర్జాతీయ సమాజానికి సంజాయిషి చెప్పుకోవాల్సిన పరిస్థితి కూడా దాపురిస్తుంది. @
నాగటి నారాయణ, సామాజిక విశ్లేషకులు 9490300577
కామెంట్లు లేవు:
కామెంట్ను పోస్ట్ చేయండి